Grama panchayat Panchamitra ರಾಜ್ಯ ಸರ್ಕಾರದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಅಧೀನದಲ್ಲಿರುವ ಗ್ರಾಮ ಪಂಚಾಯತಿಗಳಲ್ಲಿ ಗ್ರಾಪಂ ಸದಸ್ಯರು, ಫಲಾನುಭವಿಗಳು, ಕಾಮಗಾರಿಗಳು, ಆಸ್ತಿ ತೆರಿಗೆ ಸೇರಿದಂತೆ ಮತ್ತಿತರ ಮಾಹಿತಿಯನ್ನು ಸಾರ್ವಜನಿಕರಿಗೆ ಆನ್ಲೈನ್ ನಲ್ಲಿಯೇ ಒದಗಿಸುವುದಕ್ಕಾಗಿ ಪಂಚತಂತ್ರ ತಂತ್ರಾಂಶ ಆರಂಭಿಸಲಾಗಿದೆ.
Grama panchayat Panchamitra ಪಂಚಮಿತ್ರದಲ್ಲಿ ಅಡಗಿದೆ ಗ್ರಾಪಂನ ಸರ್ವ ಮಾಹಿತಿ
ಗ್ರಾಮದ ಜನರು ಮನೆಯಲ್ಲಿಯೇ ಕುಳಿತು ಮೊಬೈಲ್ ನಲ್ಲಿ ಈ ವರ್ಷ ಪಾವತಿಸಿದ ತೆರಿಗೆ ಎಷ್ಟು ಇನ್ನೂ ಎಷ್ಟು ತೆರಿಗೆ ಪಾವತಿಸಬೇಕಾಗಿದೆ, ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಬರುವ ನಿಮ್ಮ ಆಸ್ತಿ ಈ ಸ್ವತ್ತಿನಲ್ಲಿ ನೋಂದಣಿಯಾಗಿದೆಯೇ ಎಂಬುದನ್ನು ನೋಡಬಹುದು. ಹಾಗೂ ಸರ್ಕಾರದಿಂದ ಸಿಗುವ ಇಂದಿರಾ ಅವಾಸ್ ಯೋಜನೆ, ಆಶ್ರಯ ಯೋಜನೆಯಡಿ ಯಾರ್ಯಾರಿಗೆ ಮನೆ ಮಂಜೂರಾಗಿದೆ ಎಂಬ ಫಲಾನುಭವಿಗಳ ಪಟ್ಟಿಯನ್ನು ಪಂಚತಂತ್ರ ತಂತ್ರಾಂಶದಲ್ಲಿ ನೋಡಬಹುದು. ಹೌದು, ಇದಕ್ಕಾಗಿ ನೀವು ಯಾರಿಗೂ ಕೇಳಬೇಕಿಲ್ಲ. ಮನೆಯಲ್ಲಿಯೇ ಕುಳಿತು ನಿಮ್ಮ ಮೊಬೈಲ್ ನಲ್ಲಿ ನೋಡಬಹುದು.
ನೀವು
https://panchatantra.kar.nic.in/panchamitra/
ಈ ಲಿಂಕ್ ಮೇಲೆ ಕ್ಲಿಕ್ ಮಾಡಬೇಕು. ಆಗ ಪಂಚಮಿತ್ರ ವೆಬ್ ಪೇಜ್ ತೆರೆಯಲ್ಪಡುತ್ತದೆ. ಅಲ್ಲಿ ಎಲ್ಲಾ ಜಿಲ್ಲೆಗಳ ಹೆಸರುಗಳನ್ನೊಳಗೊಂಡಂತೆ ಕರ್ನಾಟಕದ ನಕ್ಷೆ ಕಾಣುತ್ತದೆ. ನಿಮ್ಮ ಜಿಲ್ಲೆಯ ಮೇಲೆ ಕ್ಲಿಕ್ ಮಾಡಬೇಕು. ನಂತರ ನಿಮ್ಮ ತಾಲೂಕು ಮೇಲೆ ಕ್ಲಿಕ್ ಮಾಡಬೇಕು. ಎಡಗಡೆಯಲ್ಲಿ ಗ್ರಾಮ ಪಂಚಾಯತ್ ಹೆಸರು ಕಾಣುತ್ತದೆ. ಅಲ್ಲಿ ನಿಮ್ಮ ಗ್ರಾಮ ಪಂಚಾಯತ್ ಹೆಸರಿನ ಮೇಲೆ ಕ್ಲಿಕ್ ಮಾಡಬೇಕು. ಆಗ ಇನ್ನೊಂದು ಪೇಜ್ ಓಪನ್ ಆಗುತ್ತದೆ. ಅಲ್ಲಿ ಆಸ್ತಿ ತೆರಿಗೆಗಳು ಮೇಲೆ ಕ್ಲಿಕ್ ಮಾಡಬೇಕು. ನಂತರ ನಿಮ್ಮ ಹಳ್ಳಿ ಆಯ್ಕೆ ಮಾಡಿಕೊಳ್ಳಬೇಕು. ಆಗ ಇನ್ನೊಂದು ಪೇಜ್ ಓಪನ್ ಆಗುತ್ತದೆ. ಅಲ್ಲಿ ನಿಮ್ಮ ಊರು, ಮನೆಯ ಮಾಲೀಕನ ಹೆಸರು, ಪ್ರಾಪರ್ಟಿ ಯೂನಿಕ್ ಐಡಿ (ಆಸ್ತಿ ನಂಬರ್) ಸರ್ವೆ ನಂಬರ್, ಹೌಸ್ ನಂಬರ್, ಈ ವರ್ಷದ ಒಟ್ಟು ಆಸ್ತಿ ತೆರಿಗೆ, ನೀವು ಕಟ್ಟಿದ ತೆರಿಗೆ ಎಷ್ಟು ಹಾಗೂ ಇನ್ನೂ ಎಷ್ಟು ತೆರಿಗೆ ಕಟ್ಟಬೇಕು ಎಂಬ ಮಾಹಿತಿ ಇರುತ್ತದೆ.
ಪಂಚಾಯತ ಪಂಚತಂತ್ರದ ಲಿಂಕ್ ಸಮಸ್ಯೆಯಾಗುತ್ತಿದ್ದರೆ ಈ ಕೆಳಗಿನ
ಪಂಚಾಯತ್ ಪಂಚತಂತ್ರದಂತೆ ಇಲ್ಲಿಯೂ ಗ್ರಾಮ ಪಂಚಾಯತಿಯ ಎಲ್ಲಾ ಮಾಹಿತಿ ಮೊಬೈಲ್ ನಲ್ಲಿ ಸಿಗುತ್ತದೆ
ಲಿಂಕ್ ಮೇಲೆ ಕ್ಲಿಕ್ ಮಾಡಿ ಮಾಹಿತಿ ಪಡೆಯಬಹುದು.
ಗ್ರಾಮ ಪಂಚಾಯತ ಪಂಚತಂತ್ರ ತಂತ್ರಾಂಶದಲ್ಲಿ ಅಭಿವೃದ್ಧಿಪಡಿಸಿ ಈಗ ಬದಲಾದ ವ್ಯವಸ್ಥೆ ಹಾಗೂ ತಂತ್ರಜ್ಞಾನಕ್ಕೆ ತಕ್ಕಂತೆ ಇಲಾಖೆಯ ಅಗತ್ಯತೆಗಳಿಗೆ ಅನುಗುಣವಾಗಿ ಪಂಚತ್ರತಂತ್ರದ ಎರಡನೇ ಅವತರಣಿಕೆ ಪಂಚತ್ರಂತ್ರ 2.0 ಅಭಿವೃದ್ಧಿಪಡಿಸಲಾಗುತ್ತಿದೆ. ಈಗ ಹಳೆಯ ತಂತ್ರಾಂಶವನ್ನು ಮೇಲ್ದರ್ಜೆಗೇರಿಸಿ ಅಭಿವದ್ಧಿಪಡಿಸಲಾಗುತ್ತಿದೆ.
ನಿಮ್ಮ ಗ್ರಾಮ ಪಚಾಯತ್ ಗೆ ಆಯ್ಕೆಯಾದ ಸದಸ್ಯರ ಹೆಸರು ನೋಡಬೇಕಾದರೆ ಸದಸ್ಯರು ಮೇಲೆ ಕ್ಲಿಕ್ ಮಾಡಬೇಕು. ಪ್ರಿವಿಯಸ್ ಮೆಂಬರ್ಸ್ ಹಾಗೂ ಕರೆಂಟ್ ಮೆಂಬರ್ಸ್ ಇರುತ್ತದೆ. ಸದ್ಯ ಇರುವ ಗ್ರಾಪಂ ಸದಸ್ಯರ ಹೆಸರು ನೋಡಬೇಕಾದರೆ ಕರೆಂಟ್ ಮೆಂಬರ್ ಮೇಲೆ ಕ್ಲಿಕ್ ಮಾಡಬೇಕು. ಆಗ ನಿಮ್ಮೂರಿನ ಗ್ರಾಪಂ ಸದಸ್ಯರ ಪಟ್ಟಿ ಕಾಣುತ್ತದೆ. ಅಧ್ಯಕ್ಷರು, ಉಪಾಧ್ಯಕ್ಷರು, ಹಾಗೂ ಸದಸ್ಯರು ಯಾರು ಎಂಬ ಹೆಸರಿನೊಂದಿಗೆ ಅವರ ಮೊಬೈಲ್ ನಂಬರ್ ಸಹ ಇರುತ್ತದೆ.
ಇದನ್ನೂ ಓದಿ : ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಬರುವ ನಿಮ್ಮ ಆಸ್ತಿಗಳ ದಾಖಲೆ ಡೌನ್ಲೋಡ್ ಮಾಡುವುದು ಹೇಗೆ…? ಇಲ್ಲಿದೆ ಸಂಪೂರ್ಣ ಮಾಹಿತಿ
ಸಾಮಾನ್ಯವಾಗಿ ಹೊಸದಾಗಿ ಆಯ್ಕೆಯಾದ ಗ್ರಾಮ ಪಂಚಾಯತ್ ಸದಸ್ಯರು ಹೆಸರುಗಳನ್ನು ಪಂಚತಂತ್ರ ತಂತ್ರಾಂಶದಲ್ಲಿ ಸೇರಿಸಬೇಕು. ಕೆಲವು ಕಡೆ ಇನ್ನೂ ಸೇರಿಸಿಲ್ಲ. ಒಂದು ನಿಮ್ಮ ಗ್ರಾಮ ಪಂಚಾಯತ್ ಸದಸ್ಯರು ಹೆಸರು ಇನ್ನೂ ಅಪಡೆಟ್ ಆಗಿಲ್ಲವೆಂದರೆ ತಾವು ಗ್ರಾಪಂ ಸದಸ್ಯರಿಗೆ ತಿಳಿಸಿ ಅಪಡೇಟ್ ಮಾಡಿಸಬಹುದು.
ಇಂದಿರಾ ಅವಾಸ್ ಯೋಜನೆ, ಆಶ್ರಯ ಯೋಜನೆಯಡಿಯಲ್ಲಿ ಯಾರ್ಯಾರಿಗೆ ಮನೆಗಳು ಬಂದಿವೆ ಎಂಬುದನ್ನು ನೋಡಬೇಕಾದರೆ ಫಲಾನುಭವಿಗಳ ಮೇಲೆ ಕ್ಲಿಕ್ ಮಾಡಬೇಕು. ಆಗ ಒಂದು ಪೇಜ್ ಓಪನ್ ಆಗುತ್ತದೆ. ನಿಮ್ಮೂರಿನ ಯಾರು ಯಾರಿಗೆ ಮನೆಗಳು ಮಂಜೂರಾಗಿವೆ ಎಂಬ ಪಟ್ಟಿ ಇರುತ್ತದೆ.
ಗ್ರಾಮ ಪಂಚಾಯತಿಗೆ ಸಂಬಂಧಿಸಿದ ಎಲ್ಲಾ ವಿವರಗಳನ್ನು ಒದಗಿಸುವುದಕ್ಕಾಗಿ ಸರ್ಕಾರವು ಪಂಚಮಿತ್ರ ಎನ್ನುವ ಸರ್ಕಾರದ ವೆಬ್ ಸೈಟ್ ಆರಂಭಿಸಲಾಗಿದೆ. ಈ ತಂತ್ರಾಂಶದ ಮೂಲಕ ಕರ್ನಾಟಕದ ಎಲ್ಲಾ ಗ್ರಾಮ ಪಂಚಾಯತಿಗಳ ವಿವರಗಳನ್ನು ತಿಳಿಯಬಹುದು.
